التدوينة الأخيرة: وداعًا أيتها الابنة البارة..

Photo by Vie Studio on Pexels

السلام عليكم، وأسعد الله أوقاتكم بكل خير..

تدرون إن هالمدونة كانت الابنة البارة لفكرة ما استمرت إلا لإصدار واحد فقط (أمها: كانت أول مجلة ورقية سويتها بحياتي عبارة عن قص ولصق)🥹❤️.. 

مازلت أتذكر اليوم اللي بديت فيه هالمدونة.. وأتذكر أول موضوع كتبته، وأول موضوع ترجمته.. وأتذكر حتى أول متابع لي وهو الوحيد لي (غير الزوّار).. حتى أول نطاق لي؛ اللي كان فرحته بالنسبة لي مختلفة🥹..

بعد وقت طويل ودراسة طويلة لكن متقطعة عشان أكون صادقة، وبعد أخذ وعطى حتى هاللحظة، قررت أنا ندى نقل مدونتي من هنا إلى هـنـــــا ؛يعني تقدرون تتابعون كل جديدي فيها بإذن الله❤️.. 

الشي اللي بأكد عليه واللي بأحرص عليه هو: بقاء هالمدونة؛ يعني بإذن الله راح تكون مثل الأرشيف لي ولكم وما راح أحذف فيها شي لكن ممكن أعدل وأحسّن..

هالمدونة: فيها خواطر وتجارب وترجمات يعني فيها شي مني 🥹.. وأدعو الله من كل قلبي أن يجعلها عمل صالح وحجة طيبة تشهد لي مو علي، وتكون لكم مكان تحصلون فيه إجابة ولو صغيرة تفيدكم وتنفعكم 🤲🏻.. 

وللعلم فقط: أنا ما زالت هنا وراح أقرأ تعليقاتكم إن شاء الله ❤️، لكن كل جديدي راح يكون في المدونة الجديدة واللي راح أشرح نظامها في تدوينة خاصة بإذن الله ✨..

شكرا لكم من الأعماق لأنكم نوّرتوا المدونة يومًا ما، وهاليوم بالذات ❤️.. وأتمنى تبقون جزء من هالرحلة اللي كنتوا فيها معي من البداية 🫂❤️..

 

ندى